منصة تستثمر بالعقولنسخة تجريبية
انشر مشروعك مجاناً، وتوصلك عروض من خبراء موثّقين. يشتغلون وياك، والملفات والتحديثات تجيك أول بأول… لحد ما الشغل يوصل لباب بيتك.
للطلاب اللي مشروعهم واكف
"مسطر" طالب هندسة بالسنة الرابعة، ومشروع تخرجه روبوت يتتبع الخط.
1 · *الساعة 2 بعد نص الليل*
مسطر سوّى روبوت متتبع خط. الكود يشتغل، بس الروبوت يتتبع كلشي إلا الخط. ثلاث ليالي وهو بنفس الخطأ، وفناجين الگهوة صارن اكثر من الوايرات بالمشروع .
2 · اليوم الثاني
نشر بسبع كروبات: «محتاج مهندس يساعدني بمشروع تخرج». الكل شاف المنشور، والكل كتب «خاص»… وما أحد كتب سعر. واحد بس سأل: «شنو هو المشروع؟»، وما رد عليه بعدها.
3 · اليوم الرابع
صديقه، ابو المهمات الصعبة، گله: "لك عوف الگروبات، نزّل مسطرة". نزّله عالسريع!.
4 · بعد 4 دقايق
خلة العنوان،كتب وصف الشغل، حط الصور والملفات والمخططات ووياهن المهارات المطلوبة بالخبير، وموعد التسليم، . وضغط نشر. (ثلاث دقايق منها دور على صورة الروبوت اللي يريد يسوي مثله).
5 · وبعدها تليفونه ما سكت
عشرة خبراء قدموا عروض. واحد يشوّفك روبوت مشابه هو مسويه، وواحد أسرع، وواحد أرخص، وواحد يشتغل وياك خطوة بخطوة. مسطر صار يقارن بين العروض ويساعدك تقارن وتختار الخبير المناسب. مسطر اختار «مصطفى». لأن عجبه العرض وشاف تقييمه 4.9 ودخل لبروفايله لگاه مسوي مشروع يشبهه قبل.
6 · الأسبوع الأول
تقسم المشروع لمراحل: الخبير يرفع ملف ← يوصلك إشعار ← تراجع الشغل وتوافق (أو تطلب تعديل) ← يكمل. وكل رفع وكل موافقة تنكتب بالمحادثة لحالها. ما عاد تحتاج تسأل: «وين وصلتوا؟».
7 · قبل المناقشة بيومين
الخبير شرح الشغل بفيديو قبل لا يسلّم حتى يعرف كل تفاصيل المشروع، وبعدها وصل الروبوت. لباب البيت. والمناقشة؟ ما نكدر نكول الدرجة، بس الروبوت تتبع الخط من أول مرة.
حمّل التطبيق وابدي قصتكالقصة والأسماء خيالية… بس الوضعية حقيقية.
للخبراء اللي شغلهم يستاهل أكثر
مسطورة مهندسة إلكترونيك. تسوي PCB أنظف من دفتر الدكتور، بس ما أحد يعرف.
1 · عندها خبرة بس ماعدها حظ
تسوي PCB، تبرمج Arduino، وتنجز أي مشروع يجيها. بس شغلها كله بمجلد اسمه «مشاريعي» (محد يشوفه بس هي). مرات تحس إن أحسن مشروع سوّته شافته بس ماما .
2 · تدور على شغل
تدور بكروبات التيليجرام والفيسبوك وبين صديقاتها بالجامعة. كل مشروع يبدي بمساومة عالسعر وينتهي باختفاء العميل. وهي تنتظر الرد أكثر مما تنتظر فارس احلامها.
3 · قدمت كخبيرة بمنصة مسطرة
رفعت وثيقتها، وحطت مهاراتها وخبراتها وهويتها، وانتظرت مراجعة فريق المشرفين.. وأول ما انقبل طلب التوثيق ، صارت عدها شارة «موثّقة» اول ما يشوفه العميل يعرف إنها خبيرة موثّقة وشغلها فن مو غن غن!.
4 · الشغل يدوّر عليها
بدل ما تصرف وقتها تدوّر، التطبيق يكولها: «هذا مشروع يناسب مهاراتك». وتوصلها اشعارات بيهن. يعني معرض أعمالها صار مو مجرد صور صار اصل يجيبلها شغل
5 ·لگت مشروع يناسبها وقدمت عرضها
هي تحدد سعرها المناسب وموعد التسليم، وتكتب سطرين توضح ليش هي الأنسب. والعروض مغلقة: ما أحد يشوف العرض غير العميل. مو حرب أسعار، شغلك يتكلم عنك.
6 · بدأ الشغل وتقسم على مراحل
انقبل عرضها، رفعت التسليم الأولي، والعميل يكدر يوافق أو يطلب تعديل، وبعدها التسليم النهائي. كل خطوة تنسجل ضمن المحادثة ويوصل للعميل إشعار، فما يحتاج تسأل كل شوية : «شفت الملف؟، شفت المقطع؟، هيج تمام؟ ».
7 · وبالأخير
العميل قيّمها 5 نجوم وكتب «شغل نظيف». معرض أعمالها صار يتكلم عنها. وبعد كم أسبوع أول طلب جاها من مشروع بمعرض اعمالها لأن زبون جديد عجبه الشغل و شاف تقييماته الرهيبة!.
حمّل التطبيق وابدي كخبيرالقصة والأسماء خيالية… بس الحال حقيقي.
ليش مسطرة؟
ما تدفع شي لحد ما تختار عرض.
أول عرض يجيك خلال ساعات وكل خبير يقدملك عرض واحد فقط مو الف عرض!!.
كل خبير مرّ على مراجعة مشرفينا على وثائقه وهوياته وخبرته قبل لا يگدر يقدّم اي عرض.
الخبير يوريك المشروع يشتغل قبل ما يسلّمه الك.
كل رفع وموافقة تنكتب بالمحادثة وتوصلك إشعار.
مشروعك يوصلك للبيت وبعدها تضغط تحرير حتى يطلع المبلغ من مسطرة الى الخبير.
إشعار لما ينزل مشروع يطابق اللي تعرفه.
إنت تحدد، وعروضك مغلقة عن باقي الخبراء.
بدون مكتب، وبدون ما تلاحق أحد بالكروبات.
أعمالك مرتبة، والعميل يشوفها قبل لا يختار.
كل مشروع مكتمل يزيد سمعتك.
عميل يفتح ملفك ويطلبك بالاسم.
أسئلة
منصة تربط العملاء بخبراء ينفّذون مشاريعهم أيا كان نوعها: تنشر مشروعك، تجيك عروض، تختار، وتتابع الشغل والملفات من التطبيق.
النشر مجاني. وسعر الشغل يحدده الخبير بالعرض، وإنت تقارن العروض وتختار اللي يناسبك.
من التطبيق تقدّم طلب توثيق: وثيقتك، مهاراتك، وشهاداتك إذا عندك. فريق مسطرة يراجعها، وبعد القبول تكدر ترسل عروض وتبدي شغل.
لهسه فقط على الأندرويد. نسخة الأيفون بالطريق.
اضغط «حمّل التطبيق». إذا طلع تنبيه «التثبيت من مصدر غير معروف» اسمح للمتصفح مرة وحدة. الملف موقّع، وتكدر تتحقق من بصمته (SHA-256) بأسفل الصفحة.
تكدر تفتح نزاع من صفحة العقد. العقد والمحادثة يبقون مفتوحين، ومشرفين مسطرة يراجعون الملفات والمراسلات ويفصل بينكم.
حمّل التطبيق، وعوف الباقي على مسطرة.
حمّل التطبيقأندرويد · 60 ميگابايت · نسخة 1.0.0أندرويد 7 وما فوق · الحزمة app.mastara
SHA-256 للملف: BDFE30ED9849566D64C38E543939298D8979D39BFA95104C40B13375C238EF85
بصمة شهادة التوقيع: 5E:B9:8B:D6:A2:33:1A:E3:AE:EE:EA:E3:5E:9D:79:07:0D:48:F6:76:00:90:57:BF:E2:92:CD:CD:E0:DC:C3:E7
